दरवर्षी देशाचा नवा अर्थसंकल्प सादर केला जातो. त्यामध्ये अनेक घटकांमध्ये बदल झालेला असतो. नव्या तरतुदी, नियम सामान्य माणसालाही समजून घेणेही आवश्यक असते. कारण त्यावरच घरातील बजेट अवलंबून असते. लेखक अरुण गोडबोले यांनी या पुस्तकात २०१७-२०१८ च्या अर्थसंकल्पातील प्राप्तीकरा संबंधातील इथ्यंभूत माहिती दिलेली आहे. या अर्थसंकल्पात झालेले बदल, करकपात आणि पगार, पगारातील वजावटी याची माहिती त्यांनी दिली आहे.

करकपातीची कार्यपद्धती, करकपातीचे प्रमाणपत्र, तिमाही विवरणपत्रे, करकपातीसंबंधीच्या चुका, अपराध व त्याविषयी दंडात्मक तरतुदी यासंबंधीची माहिती स्वतंत्र प्रकरणांतून दिली आहे. एवढेच नव्हे, तर व्यक्तिगत रिटर्न भरण्यासाठी मार्गदर्शन केले आहे. घरापासूनचे उत्पन्न, ई-फाइलिंग याविषयीही समजते.